Нашата земја е вклучена во сите напори и активности на европско и на глобално ниво за да се ​​овозможи развој на селата и руралните средини преку зголемување на пристапот до ресурси, средства, услуги, технологии и економски можности,но и покрај учеството на селата и нивните жители во локалната и националната економија, како и БДП каде секторот земјоделство учествува со 10 % сепак селата и земјоделските работницисе соочуваат со повеќе ограничувања во пристапот до клучните продуктивни ресурси,  пристапот до финансии, здравствена и социјална заштита; надоместоците односно платите за нивниот работен ангажман, недоволно вклучување во донесувањето на одлуки и сл, со што се ограничува нивниот капацитет да придонесат за  одржлив развој на руралните заедници и искористување на новите можности.

Преку приказ на животот во нашите села, таков каков што е- без суфикси и придавки да се разбуди свеста дека оние кои хранат и подигнуваат генерации и генерации, стануваат се поневидливи во нашето општество, и дека неопходна е поддршка и отворање на можности за руралните жители.

На настанот беше презентирана публикацијата "Положбата на руралните жени во македонското општество" креирана од Марина Тошеска од ЛАГ АГРО ЛИДЕР, како и позитивните резултати кои ги забележа дигиталната платформа Домашно.мк креирана од ЛАГ АГРО ЛИДЕР во рамките на проектот  „Одговор на социоекономските ефекти од КОВИД-19 преку поддршка на ранливите групи на ниско-платени работници, работници кои се дел од неформалната економија и привремено вработени работници”. Од неплатени домашни работници до егзистенцијални земјоделци и сезонски земјоделци, руралните жени кои најчесто се дел од неформал-ната економија, работејќи во небезбедни услови, остварувајќи пониски приходи,  без никаква заштита од законите за работни односи, социјални  бенефиции,  здравствено  осигурување или платено  боледување се најпогодени од социо-економските ефекти на пандемијата.
 

За влијанието на пандемијата од КОВИД-19 врз една од најранливите категории – работниците во неформалната економија во која најголем дел односно дури 52% се земјоделските работници своја презентација на експертизата направена од тим на докажани експерти  од Тинк тенк организацијата Аналитика имаа проф. Борче Треновски и Кристијан Кoжески.

Иако може да се констатира дека денес животот во селата генерално се разликува во однос на животот на претходните генерации, сепак забележуваме разлики во споредба со напредокот и можностите во градовите.Директорот на Мeѓуопштинскиот центар за социјални работи – Прилеп, г-н Дејан Тошески информираше за пристапот до социјални услуги за жителите на селата како и мерките за поддршка во време на пандемија

Споделување на добри практики од земјите од ЕУ и нивно адаптирање и имплементирање во нашите политики и функционирања е камен темелник за создавање на подобро утре за секој од нас. Република Австрија е верен партнер на нашата земја обезбедувајќи поддршка во спроведувањето на дорби практики за градење на одржливи заедници.Своe виртуелно обраќање имаше г-н Клеменс Рибачек кој ги сподели искуствата на Австрија во воспоставувањето на дигитални канали за продажба на земјоделски производи и оброци.