Високатата стапка на невработеност на младите и нивното иселување претставува проблем за општеството не само кај нас, туку насекаде во светот, а пандемијата со КОВИД-19 дополнително ги продлабочи предизвиците за младите лица, особено младите од ранливите категории да пристапат на пазарот на трудот и да обезбедат економски приход преку вработување.
Партнерските организации го креираа YEI проектот со цел да им помогнат на младите да ги надминат бариерите при вработување преку обезбедување вештини, искуство и можност да го направат првиот успешен чекор во својата кариера.
Проектниот тим кој го сочинуваат претставници од партнерските организации истражува, анализира, споделува добри практики и активно работи на намалување на бројот на невработени млади лица преку обезбедување на услуги за поддржано вработување од страна на младински тренери.
На состанокот беа дефинирани следните активности, а наскоро следува повик за сите заинтересирани лица/младински тренери кои би сакале да ги зголемат своите знаења и вештини преку учење за механизми и примери на добри практики за младинско вработување.