Мрежата на ЛАГОВИ во соработка со ЛАГ АГРО ЛИДЕР  денес одржаа онлајн работилница “Социјални услуги за аутистични деца и млади".

Работилницата ја водеше Барбара Штумпф од партнерската организација во рамките на проектот EHelp Северна Македонија:подобрување на пристапот до социјални услуги преку дигитализација и вмрежување, а свое поздравно обраќање имаше г-н Харалд Фугер – Аташе на Австриското Социјално министерство во нашата држава.

Предавање во областа на социјални услуги за аутистични деца и млади имаа г-ѓа Ана Мартон и Др. Јоханес Клиетман претставници на Фондацијата Specialisterne од Австрија.

Статистичките податоци од Австрија покажуваат дека дијагностиката на аутизам е можна на 2-3 годишна возраст, но во просек кај децата се поставува дијагноза на 8 годишна возраст, а просечната возраст на дијагностицирање на аутизам кај возрасните е 34 години.

Околу 2000 лица со аутизам се присутни на пазарот на труд во Австрија.

Фондацијата Specialisterne е непрофитна организација која активно делува во обезбедување на социјални услуги за лицата со аутизам и слични предизвици, со фокус на вработување и обезбедување на образование за нивна конкурентност на пазарот на труд. Фондацијата обезбедува програма за таленти и посредување на пазарот на труд, советување и менторирање, како и поддршка за натамошен развој на лицата до аутизам.

Во своето делување забележани се многу предизвици но и успешни приказни што се поттик за континуирано подобрување на услугите со цел градење мостови за надминување на пречките и поврзување на бизнисите на лицата со аутизам, и нивна успешна инклузија на пазарот на труд.

Пристапот до социјални услуги е обезбеден од националните политики и пподдршката на бизнис заедницата, што е особено значајно за поврзување на сите релевантни актери и креирање на квалитетни и одржливи социјални услуги за овие лица.

Вебинарот е организиран во рамките на проектот  "еHelp С. Македонија: Подобрување на пристапот до социјални услуги преку дигитализација и вмрежување", спроведуван во партнерство со Австриските организации Verein LAG Regionalmanagement regio3, Dachverein zur Regionalentwicklung Fuschlseeregion – Mondseeland (FUMO) и Regionalentwicklungsagentur Zeitkultur Oststeirisches Kernland, со финансиска поддршка од Австриското Федерално Министерство за социјални работи, здравство,грижа и  заштита на потрошувачи.