Проектот „Гласови од руралните заедници: Зајакнување на жените за локално застапување“ има за цел да ги зајакне жените од руралните средини како активни чинители во процесите на локално донесување одлуки, преку градење на нивните капацитети за јавно застапување, учество во креирање јавни политики и конструктивен дијалог со локалните институции.

Проектот се фокусира на жени од рурални населени места кои се соочуваат со ограничен пристап до информации, недоволна застапеност во локалните совети и процеси на планирање, како и социјални и културни бариери кои го ограничуваат нивното активно граѓанско учество. Преку овој проект, ЛАГ Агро Лидер создава безбеден и инклузивен простор во кој жените ќе можат да ги артикулираат своите приоритети, да стекнат практични вештини и да се поврзат со релевантни локални и национални носители на одлуки.

Клучните активности на проектот вклучуваат: едукативни работилници за локално управување, родово одговорно буџетирање и механизми за граѓанско учество; менторска поддршка за женски неформални групи и локални лидерки; јавни дијалози и средби со претставници на општините, советнички и пратенички; како и подготовка и застапување на конкретни предлози и иницијативи кои произлегуваат директно од потребите на жените во руралните заедници.

Очекуваните резултати од проектот се зголемена самодоверба и ангажман на жените во локалниот јавен живот, подобрена комуникација меѓу руралните заедници и општинските институции, како и конкретни политики, мерки или активности кои ќе бидат вклучени во општинските програми и планови врз основа на женското учество и застапување.

Со овој проект, ЛАГ Агро Лидер придонесува кон зајакнување на демократските процеси на локално ниво, промоција на родовата еднаквост и создавање одржливи механизми за учество на жените од руралните заедници во креирањето на политики што директно влијаат врз квалитетот на нивниот живот.

Проектот се имплементира во периодот од 01.02.2025 - 31.07.2026 година