1. Општи информации

Локалната акциска група ЛАГ Агро Лидер објавува јавен повик за ангажирање на двајца ментори кои ќе обезбедат стручна поддршка на млади лица од руралните општини Долнени и Крушево во процесот на развој и тестирање на младински еко-социјални бизнис иницијативи, во рамки на проект „Младински зелени социјални претпријатија – нова енергија за руралниот развој“ насочен кон јакнење на економските можности на младите од руралните средини и развој на еко-социјални претпријатија во општините Долнени и Крушево, финансиран од Европската Унија преку проектот ‘RAISE CSOs - Резилиентни и инклузивни патеки за социјално претприемништво за младите преку градење капацитети на локални граѓански организации во Северна Македонија’ имплементиран од страна на Младински Сојуз – Крушево во соработка со НОВУС и Паблик, со поддршката на ЕУ за граѓанското општество и медиумските организации во Република Северна Македонија, ИПА програма за граѓанско општество 2022-2023.

Проектот има за цел да воспостави основи за младински социјални претпријатија за заштита на животна средина, кое ќе обезбеди економска одржливост и можности за вработување, да придонесе до заштита на животна средина, управување со органскиот отпад во руралните средини, компостирање како потенцијален социјален бизнис, како и социо-економска интеграција на младите во пазарот на труд; Да се создаде младинска земјоделска задруга како инкубатор за зелени идеи за заштита на животна средина и одржливи рурални заедници, примена на нови методи во земјоделството и еко-бизнисите; Градење на капацитети и подигање на свеста кај младите од руралните средини за социјално претприемништво, циркуларна економија и заштита на животна средина, особено на ранливи категории како жени, NEETs и долгорочно невработени лица, преку развој на социјално претприемништво.

2. Цел на ангажманот

По завршување на обуките, ќе се формираат 5 младински тимови кои во период од 2 месеци ќе развиваат конкретни бизнис идеи во областа на:

• Социјално претприемништво
• Циркуларна економија
• Управување со органски отпад и компостирање
• Одржливо земјоделство
• Еко-иновации и зелени услуги

Менторите ќе имаат клучна улога во трансформирање на младинските идеи во функционални и одржливи бизнис модели.

3. Опис на задачите

Избраните ментори ќе обезбедат:

• Стручна поддршка при изработка на Бизнис Канвас модели
• Насоки за развој на финансиски и оперативен план
• Поддршка во тестирање на идеите преку мини-проекти
• Подготовка на тимовите за јавна презентација
• Советување за пазарна одржливост и можни партнерства
• Учество на јавни настани и „Отворени денови за социјално претприемништво“

Ангажманот ќе трае 2 месеци, со планирани редовни средби (онлајн и/или во живо).

4. Целна група на обуката

Обуката е наменета за:

• млади лица од руралните средини (15–29 години);
• NEETs;
• жени од рурални средини;
• долгорочно невработени млади лица.

Очекуван број на директни учесници: минимум 10 лица

5. Потребни квалификации и искуство

Се повикуваат експерти и практичари со искуство во:

• Социјално претприемништво и стартап развој
• Развој на мали и микро бизниси
• Финансиско планирање
• Циркуларна економија и управување со отпад
• Одржливо земјоделство и зелени технологии
• Локален економски развој

Предност ќе имаат кандидати со искуство во работа со млади, особено од рурални средини и NEET групи.

Кандидатите треба да ги исполнуваат следните услови:

• Завршено високо образование (право, економија, агроекономија, претприемништво, или друга сродна општествена област).
  Минимум 3 години релевантно професионално искуство во:
• Развој на бизнис модели или стартапи
• Социјално претприемништво
• Финансиско планирање и управување
• Циркуларна економија или управување со отпад
• Одржливо земјоделство или зелени иновации
• Искуство во менторирање, обука или советување на млади, стартапи или мали бизниси ќе се смета за предност
• Одлични комуникациски и фасилитаторски вештини
• Способност за работа со млади од рурални средини
• Аналитичко размислување и ориентираност кон резултати
• Тимска работа и менторски пристап

Достапност

• Подготвеност за ангажман во период од 2 месеци
• Учество на редовни средби (онлајн и/или теренски во Долнени и Крушево)
• Подготвеност за учество на јавни презентации и отворени денови

6. Времетраење и локација

• Времетраење на ангажманот: краткорочен ангажман (период од 2 месеци);
• Локација: онлајн и/или теренски во Долнени и Крушево

7. Начин на аплицирање

Заинтересираните кандидати треба да достават:

• Кратка биографија (CV);
• Мотивациско писмо со опис на релевантно искуство;

Само целосни апликации ќе бидат разгледани.

8. Критериуми за избор

Изборот ќе се врши врз основа на:

• релевантно искуство и експертиза;
• искуство во работа со млади и рурални заедници;

9. Рок и начин на доставување на понуди          

Понудите треба да се достават електронски на:

Е- пошта: lagagrolider@gmail.com

Со назнака: „Ментори за развој на младински еко-социјални иницијативи “

или

Во просториите на ЛАГ Агро Лидер, секој работен ден од 8.00 до 16.00 часот

Краен рок за поднесување: 10.03.2026

Апликации поднесени по истекот на рокот нема да се разгледуваат.

10. Напомена

ЛАГ Агро Лидер го задржува правото:

• да побара дополнителна документација или појаснување
• да организира интервју со подносителите,
• да не избере ниту еден понудувач доколку не ги исполнува критериумите,
• да го поништи повикот поради административни или проектни причини